መስከረም 14፣2017 - በኦሮሚያ ክልል አዲሱን ሥርዓተ ትምህርት የያዘው መፅሐፍ የሚያስፈልገው 72 ሚሊዮን ገደማ ቢሆንም እስካሁን ታትሞ ለተማሪዎች የደረሰው 26 ሚሊዮን ብቻ ነው ተባለ

በኦሮሚያ ክልል አዲሱን ሥርዓተ ትምህርት የያዘው መፅሐፍ የሚያስፈልገው 72 ሚሊዮን ገደማ ቢሆንም እስካሁን ታትሞ ለተማሪዎች የደረሰው 26 ሚሊዮን ብቻ ነው ተባለ፡፡

በሁለት ዓመታት ውስጥ 26 ሚሊየን መፅሐፍት ብቻ መታተሙን የክልሉ ትምህርት ቢሮ ተናግሯል፡፡

በእነዚህ ዓመታት ውስጥ ለተማሪዎቹ መፅሐፍትን አንድ ለአንድ ማዳረስ ያልተቻለው የሀገር ውስጥ አታሚ ድርጅቶች የወረቀት እጥረት ስላጋጠማቸው ነው ተብሏል፡፡

በተያዘው የትምህርት ዘመን እጥረቱ በተወሰነ መልኩ እንዲቀረፍ ባሳለፍነው ሀምሌ እና ነሐሴ ወራት ብቻ ለአንደኛ ደረጃ ተማሪዎች 3 ሚሊዮን መፀሐፍት እንዲታተም ተደርጓል የተባለ ሲሆን ለሁለተኛ ደረጃ ተማሪዎች ደግሞ ትምህርት ሚኒስቴር 2 ሚሊዮን መፅሐፍት ተሰጥቷል ተብሏል፡፡

አዲሱን ሥርዓተ ትምህርት የያዘው የቅድመ አንደኛ እና የአንደኛ ደረጃ ተማሪዎች መፅሀፍ የህትመት ስራ የሚከወነው በትምህርት ቢሮዎች ሲሆን የሁለተኛ ደረጃ ተማሪዎችን የማሳተም ስራ ደግሞ የትምህርት ሚኒስቴር መሆኑ ይታወቃል፡

0:00

ፋሲካ ሙሉወርቅ