መስከረም 29፣2017 - የአውቶብስ ትኬት በመቁረጥ ላይ የነበሩ ሶስት ሴቶች አና ጧፍ ስትሸጥ የነበረች አንዲት ሴት በገልባጭ መከና ተገጭተው ህይወታቸው አለፈ

የአውቶብስ ትኬት በመቁረጥ ላይ የነበሩ ሶስት ሴቶች አና ጧፍ ስትሸጥ የነበረች አንዲት ሴት በገልባጭ መከና ተገጭተው ህይወታቸው አለፈ፡፡

ለአራቱ ሰዎች ህልፈት ምክንያት የሆነው አደጋ የደረሰው በአዲስ አበባ ቦሌ ክ/ከተማ ወረዳ 11 ልዩ ስሙ ቅድስት አርሴማ ቤተክርስቲያን አካባቢ ነው፡፡

አደጋው በመስከረም 28፣2017 ጠዋቱ 4 ሰዓት አካባቢ ከጎሮ ወደ ኮዬ ሲጓዝ የነበረ ገልባጭ  ተሽከሪካሪ የአውቶብስ ትኬት በመቁረጥ ላይ የነበሩ ሶስት ሴቶቸ እና ጧፍ ስትሸጥ የነበረችን አንዲት ሴት   በመግጨቱ የተከሰተ መሆኑን የአዲስ አበባ ፖሊስ ኮሚሽን ተናግሯል፡፡

በአደጋው ከሞቱት በተጨማሪ አሽከርካሪውን ጨምሮ 7 ሰዎች ላይ ከባደና ቀላል ጉዳት ድርሶባቸው ወደ ጥሩንሽ ቤጂንግ ሆስፒታል ተወስደዋሉ ሲሉ የኮሚሽኑ የሕዝብ ግንኙነት ሃላፊ ም/ኮማንደር ማርቆስ ታደሰ ለሸገር ኤፍ ኤም 102.1 ራዲዮ ነግረውታል፡፡

ሕይወታቸው ያለፈው  ሁሉም ሴቶች ሲሆኑ እድሜያቸውም ከ20 እስከ 52 ተገምቷል፡፡