ነሐሴ 24፣2016 - ድምፃዊ ዳዊት ፅጌ የ"እልል ያልኩ ሐበሻ" የብራንድ አምባሳደር ሆኖ ተመረጠ።

ድምፃዊ ዳዊት ፅጌ የ"እልል ያልኩ ሐበሻ" የብራንድ አምባሳደር ሆኖ ተመረጠ።

ወጣቱ ድምፂዊ የሀበሻን ባህላዊ እሴቶችን እንዲያስተዋውቅ ነው የተመረጠው።

በአንድ አልበም እና በተለያዮ ነጠላ ዜማዎች ከፍተኛ ተወዳጅነትን ያተረፈው ድምፃዊ ዳዊት ፅጌ ብራንድ አምባሳደር ሆኖ በመመረጡ የሀበሻ መገለጫ የሆኑ እሴቶች በዓለም አደባባይ ጎልተው እንዲወጡ ይሰራል።

"እልል ያልኩ ሀበሻ" የደመቀ ዝግጅት ትናንት ተካሄዷል።

በ’’ቃና ዌርሀውስ’’ በተዘጋጀው በአይነቱ ለየት ያለ ፐሮግራም የኢትዮያዊያን ባህል፣ ዕሴት፣ ማንነት እና ወግ በተለያዩ ክዋኔዎች ባህላዊውን ከዘመነኛው ጋር ያሰናሰኑ ዝግጅቶች ቀርበዋል።

በዚህም በምግብ አዘገጃጀት፣ በፋሽን ትርዒት፣ በሙዚቃ እና በሌሎች የጥበብ ስራዎች ባሀላዊው ከዘመናዊ ጋር በማሠናሠል ስራ የበረቱ ባለሞያዎች ስራዎቻቸውን አቅርበዋል።

የዝግጅቱ ዓላማም የሀበሻ መገለጫ የሆኑ አለባበሰ፣ ምግብ ዝግጅት፣ ሙዚቃ እና የመሳሰሉትን በተለያዩ ሀገረኛ መድረኮች ብሎም በዓለም አቀፍ ደረጃ እንዲታወቁ ማድረግ እና እነዚህን ሁነቶች ላይ የሚሳተፉ ባለሙያዎች ጎን ለጎን እራሳቸውንም እንዲያስተዋውቁ መደገፍ ሲሆን ፕሮግራሙንም ሐበሻ ቢራ አሰናድቶታል።

ንጋቱ ሙሉ