ጥር 6፣ 2015የብራዚሉ የቀድሞ ፕሬዝዳንት ጂየር ቦልሶናሮ አመፅ በማነሳሳት ምርመራ ሊካሄድባቸው ነው

የብራዚሉ የቀድሞ ፕሬዝዳንት ጂየር ቦልሶናሮ አመፅ በማነሳሳት ምርመራ ሊካሄድባቸው ነው፡፡

ቦልሶናሮ ምርመራ የሚካሄድባቸው ባለፈው ሳምንት እሁድ በሺህዎች የሚቆጠሩ ነውጠኛ ደጋፊዎቻቸው በርዕሰ ከተማዋ ብራዚሊያ ፓርላማው ፣ ቤተ መንግስቱን እና የጠቅላይ ፍርድ ቤቱ ሕንፃዎች በወረሩበት ድርጊት እንደሆነ SBS ፅፏል፡፡

የቀድሞው ፕሬዝዳንት በጥቅምት ወር በተካሄደው ዳግም ምርጫ በግራ ክንፈኛው ሉላ ኢናሲዮ ዴ ሲልቫ በጠባብ ልዩነት መሸነፋቸውን ዘገባው አስታውሷል፡፡

ቦልሶናሮ ግን ሉላ አልተመረጠም የሚል የቪዲዮ ምስል አሰናድተው እዩልኝ ብለው ነበር፡፡

ይህም ህጋዊውን ምርጫ ዋጋ ለማሳጣት የተደረገ የአመፅ ማነሳሻ ተደርጎ መቆጠሩ ተሰምቷል፡፡

ጂየር ቦልሶናሮ በአሁኑ ወቅት በአሜሪካ ይገኛሉ፡፡

ምርመራው ሌሎችንም የቀድሞ ባለስልጣናት ጭምር ይመለከታል ተብሏል፡፡

የኔነህ ከበደ

ሸገርን ወሬዎች፣ መረጃ እና ፕሮግራሞች ይከታተሉ…

https://bit.ly/33KMCqz