ጥቅምት 21፣2017 - በብሔራዊ ቤተ መንግስት ሲጠበቅ የነበረ 400 ኪሎ ግራም ወርቅ ለብሔራዊ ባንክ መሰጠቱ ተሰማ

በብሔራዊ ቤተ መንግስት ሲጠበቅ የነበረ 400 ኪሎ ግራም የሚመዝን ወርቅ ለብሔራዊ ባንክ መሰጠቱ ተሰማ፡፡

በብሔራዊ ቤተ መንግስት የተገኘው 400 ኪሎ ግራም #ወርቅ ተቆልፎበት የተቀመጠ እንደሆነና ብሔራዊ ባንክ ጭምር የማያውቀው እንደሆነ ጠቅላይ ሚኒስትር ዐቢይ አህመድ ለእንደራሴዎች ምክር ቤት ባደረጉት ንግግር ጠቅሰዋል፡፡

ጠቅላይ ሚኒስትር ዐቢይ 400 ኪ.ግ ወርቅ ከተቆለፈበት መገኘቱን ያረጋገጡት የቀድሞው ኢዩቤልዩ፣ የአሁኑ #ብሔራዊ_ቤተ_መንግስት መታደሱን በገለፁበት ወቅት ነው፡፡

የብሔራዊ ቤተ መንግስት አሁን ባይታደስ ለፈረሳ ተቃርቦ እንደነበር የተናገሩት ጠቅላይ ሚኒስትር ዐቢይ ለዚሁም ከዚህ በፊት የነበሩት መሪዎች የ #ፊውዳል ቤት በሚል እሳቤ ለመመልከት ባለመፈለጋቸው እንደሆነ አስታውሰዋል፡፡

እሸቴ አሰፋ